Дыбыстарды түзету бойынша балалармен үйде 
оқу қызметет өткізу үшін ата-аналарға кеңестер

1.Баланы алдағы іс-әрекетке психологиялық жағынан дайындаңыз. Ол сөйлеуді дұрыстау керек екенін және ол үшін оқу керек екенін түсіну қажет. Ересек адам шыдамдылыққа толы болу керек, өйткені бұл жұмыс ұсақ болады. Қызығушылығыңызды көрсетіңіз, зейінді, табанды болыңыз.
2. Сабақ өтетін орнын дайындаңыз: үлкен емес үстел және бірдей биіктіктегі екі орындық. Мектепке дейінгі жастағы балалардың зейінін шоғыландыру қабілеті өте төмен болатынын есіңізге сақтаңыз, сондықтан жанында баланы жұмысынан алаңдататын заттар болмауын қадағалаңыз.
3. Сабаққа жаман көңіл-күймен кіріспеңіз: сабақты өткізгіңіз келмейтінін балаға көрсетпеу керек. 
4. Егер бала шаршаған немесе тым қозған, сабақты өткізбеңіз, себебі көп жағдайда мұндай сабақтар нәтиже бермейді.
5.Тапсырманы орындау барысында баланы асықтырмаңыз.
6.Баланың берілген сөздердегі керекті дыбысты нақты және айқын айтуын қадағалап отырыңыз, суреттерді өзі немесе сіздің артыңыздан қайталап отырсын.
7.Егер де балада қайсыбір дыбыстар немесе сөздер шықпай жатса, оған дауыс көтермеңіз, орындауды талап тепеңіз, оның орнына бұл тапсырманы қашан орындай алатыны туралы келісіңіз. 
8.Әрбір балаға дұрыс сөйлеудімеңгеру үшін әр түлі уақыт қажет. Балаңыздың нәтижелерін басқа балалардың нәтижелерімен салыстырмаңыз. Мұнда жеке дара тұрғы қажет.
9. Жымиюды және әрбір, ең кішкентай болса да, жетістік үшін баланы мадақтауды ұмы
Сөйлеу кемшіліктерді еңсеру мерзімі бірқатар факторға байланысты:
1.Баланың жеке дара, жас және психологиялық ерекшеліктері
Көп жағдайда баланың бойында шырмалушылық, тұйықтық, кейде таныс емес құрдастармен немесе ересек адамдармен кездесуден қорқу байқалады, сондықтан кейде логопедке баланы өзіне қарату үшін және сабаққа ынталандыру үшін уақыт қажет. Сонымен қатар, түзету жұмысының тиімділігі ырықты зейіннің, қабылдаудың, естің, ойлау операциялардың даму деңгейіне байланысты болады. Артикуляцияға қатысатын мүшелерде (тіл, таңдай, тістер, жақ) аномалия бар жағдайда артикуляциялық аппаратты дыбыс шығаруға дайындығына тағы да қосымша уақыт керек;
2. Баланың сабаққа қатысуы
Логопед өз сабақтарын ойын түрінде өткізуге тырысады, бірақ олар сонда да оқыту сипатында өтеді, яғни бала бұл сабақтарда белгілі бір білімді, дағдыны меңгереді, ал оны келесі сабақтарда бекіту мен дамыту қажет. Сондықтан, егер бала сабақтарға кейде қатысып, кейде қатыспаса, алған білім мен дағдылар жоғалады немесе дамымайды да, логопедтік жұмыс баяулайды;
3. Түзету үрдісіне ата-ананың қатысуы
Егер сіздің балаңыздың сөйлеуінде ауытқулар болса, және ол логопедттік сабақтарға қатысса, бірақ сіз баламен үйде әрдайым қосымша тапсырмаларды орындамасаңыз, логопед ең мықты болсада, жақсы нәтиже алуға қиын болады, себебі дыбыс шығаруды түзету ‒ бұл балада жаңа шартты рефлексті қалыптастырту деген сөз (сөйлеудің жаңа әдеті), ал бұл әдет жағымды эмоциялық көңілмен, ата-ананың қолдауы мен тексеруімен бекітілуі керек (мадақтау, марапттау);
4.Дефекттің күрделілік дәрежесі, яғни сөйлеу диагнозына байланысты.